اوباما انتظامیہ اور پینٹاگون میں اختلافات

طاہر وسیم

Saturday, December 26, 2009, 17:50

اوباما انتظامیہ اور پینٹاگون کے درمیان افغان پالیسی پر عمل درآمد سے متعلق اختلافات پیدا ہوگئے ۔امریکی جریدے واشنگٹن پوسٹ کے مطابق امریکی سول انتظامیہ اور ملٹری حکا م نے نام نہ ظاہر کرنے کی شرط پر بتایا ہے کہ اوباما انتظامیہ اور ملٹری کے درمیان افغان پالیسی کے بنیادی جزیات پر متضاد خیالات پائے جاتے ہیں ۔حکام کے مطابق اوباما کابینہ کے ارکان اور ملٹری حکام کے درمیان افغانستان سے امریکی فوج کے انخلا پر متفق نہیں ہیں جس نے امریکی محکمہ دفاع اور پنٹاگون کے درمیان فالٹ لائن کھنچ دی ہے کیونکہ ملٹر ی حکام کا خیال ہے کہ کابل میں ابھی بھی فتح حاصل کی جاسکتی ہے ۔حکام کا کہنا ہے کہ امریکی فوجی حکام چاہتے ہیں کہ افغانستان میں امریکی فوج کے آپریشن کو محدود کرنے کے بجائے اس کو وسیع کیا جانا چاہئے ۔ حکام نے خفیہ دستاویز کے حوالے سے دعویٰ کیا ہے کہ اس کے برعکس صدر اوباما چاہتے ہیں کہ امریکی فوج کے افغانستان میں آپریشن کو محدود کردیا جائے اور وہاں پر توجہ القاعدہ کے خاتمے اور حکومتی استحکام پر مرکوز کی جائے ۔حکام کے مطابق نئی پالیسی کے تحت افغانستان میں سویلین آباد ی کے تحفظ کی امریکی فوج کی ذمے داری بھی مخصوص شہروں اور علاقوں تک بھی محدود کردی گئی ہے۔

طاہر وسیم کے تازہ ترین مضامین

• پریانکا پنجابی لڑکے سے شادی کی خواشمند - July 21st, 2010
• ڈرون حملے خوست سے کنٹرول کئے جاتے تھے - January 2nd, 2010
• طلاق کا شوقین اسرائیلی شخص12 بیوی کی تلاش میں - January 1st, 2010
• ایرانی حکومت نے 2 اپوزیشن رہنماؤں کو تہران سے نکال دیا - January 1st, 2010
• نیٹو فورسز کو تیل سپلائی کرنے والے آئل ٹینکرنذر آتش - January 1st, 2010

 پرنٹ کریں