بھارت کو اپنی” پاکستان پالسی“ بدلنا ہوگی
Monday, March 8, 2010, 9:43
(اخبارِ کشمیر نیوز)
پاکستانی وزیرخارجہ شاہ محمود قریشی نے کہا ہے کہ پاکستان بھارت سمیت تمام ہمسایہ ممالک کے ساتھ دوستانہ تعلقات قائم رکھنے کا خواہشمند ہے تاہم بھارت کو اپنی پالسی میں تبدیلی کرنا ہوگی۔ انہوں نے کہا ہے کہ بھارت کے سات متنازعہ معاملات کو محض بات چیت سے ہی نہیں بلکہ عملی اقدامات سے حل کیا جا سکتا ہے۔
بھارت کے ساتھ حال ہی منعقدہ خارجہ سکریٹری مذاکرات کے حوالے سے اُنہوں نے کہا ہے کہ تنازعات باعمل مذاکرات کے بغیر حل نہیں کئے جا سکتے اور صرف الفاظ کا استعمال کر کے مقاصد کو حاصل نہیں کیا جاسکتا بلکہ اس کے لئے عملی اقدامات اُٹھانے کی ضرورت ہے۔ اُنہوں نے کہا کہ پاکستان کی جانب سے یکطرفہ تعلقات قائم کرنے کی چاہت خطے میں امن قائم کرنے میں مدد نہیں دے سکتی۔
پاکستانی وزیر خارجہ نے نے بھارتی حکومت پر زور دیا کہ وہ اسلام آباد کے تئیں اپنی موجودہ پالیسیوں پر نظرثانی کرے۔ واضح رہے کہ وزیر اعظم منموہن سنگھ نے حال ہی پارلیمنٹ میں واضح کیا ہے کہ بھارت نے مسئلہ کشمیر پر یا پاکستان کے ساتھ تعلقات کے حوالے سے اپنی پالسی میں کوئی بدلاو نہیں لایا ہے۔
قریشی نے کہاکہ بھارت جامع مذاکرات نہیں چاہتا تو پاکستان کو بھی مذاکرات کی جلدی نہیں ہے البتہ پاکستان کی خواہش ہے کہ مسائل مذاکرات سے ہی حل ہوں۔ اُن کا کہنا تھا کہ بھارت کی خواہش پر خارجہ سکریٹری ملاقات ہوئی ،پاکستان بھارت سے مذاکرات برائے مذاکرات کی بجائے نتیجہ خیز بات چیت کا متمنی ہے۔
انہوں نے کہا بھارت پانی کے معاملے میں معاہدے کا پابند ہے اور اُسے ہرحال میں ہمارے حصے کا پانی دینا ہوگا۔وزیرخارجہ نے مزید کہا کہ بھارت کو پانی دینے میں کوئی رکاوٹ نہیں ڈالنی ہوگی اور اگر ایسا نہیں ہوا تو پاکستان کے لئے بین الاقوامی ثالثی کا آپشن موجود ہے اور اس کےلئے برطانیہ کے ایک سرکردہ وکیل کی خدمات حاصل کر لی گئی ہیں۔
اُن کا کہنا تھا کہ بھارت کو بامعنی مذاکرات کا ایک روڈ میپ دیاگیا ہے اور اُنہیں امید ہے کہ نیویارک میں دونوں ملکوں کے وزرائے اعظم موقعہ کا فائدہ اُٹھا کر مذاکراتی عمل کو آگے لے جانے کے لئے بات چیت کریں گے۔ اُنہوں نے کہا کہ پاکستان کی خواہش کو کمزوری نہیں سمجھنا چاہئے اور وہ بھارت کے وزیراعظم ڈاکٹر منموہن سنگھ اور وزیر خارجہ ایس ایم کرشنا کے اُن بیانات کا خیرمقدم کرتے ہیں جن میں پاکستان کے ساتھ مذاکراتی رابطہ جاری رکھنے کا عندیہ دیاگیا ہے۔
مدیر القمرآن لائن کے تازہ ترین مضامین
- مسلم لیگ ق کے تمام ممبران اسمبلی و سینیٹر اپنی تعلیمی اسناد مسلم لیگ ہاؤس میں جمع کروائیں ، چوہدری شجاعت حسین - July 12th, 2010
- فٹبال ورلڈ کپ ختم ، یوروگوائے کے ڈیاگوفورلان کو بہترین کھلاڑی اور جرمنی کے تھامس مولو کو گولڈن بوٹ ایوارڈ دیا گیا - July 12th, 2010
- پاکستان اور آسٹریلیا کے درمیان پہلا ٹیسٹ کل ( منگل ) سے شروع ہوگا - July 12th, 2010
- آرمی چیف جنرل کیانی سے امریکی سفیر پیٹرسن کی ملاقات - July 12th, 2010
- ایران جیسی نا معقول حکومت کو جوہری ہتھیار حاصل کرنے کی اجازت نہیں دی جا سکتی ۔اسرائیلی وزیر اعظم نیتن یاہو - July 12th, 2010
پرنٹ کریں
