گرمیوں میں افغان جنگ خوفناک صورت اختیار کر سکتی ہے۔ ایڈمرل مائیک مولن کا انتباہ
Monday, July 26, 2010, 15:38
افغان طالبان کا مشرقی صوبہ نورستان کے ضلع برگ متل پر قبضہ
کابل ۔ 26 جولائی (اے پی پی ، نیوز اردو ڈاٹ نیٹ)طالبان جنگجوؤں نے صوبہ نورستان کے ضلع برگ متل پر قبضہ کر لیا جبکہ دوسری جانب اعلیٰ امریکی عہدیدار نے خبردار کیا ہے کہ گرمیوں میں افغان جنگ خوفناک صورت اختیار کر سکتی ہے۔ غیر ملکی ذرائع ابلاغ کے مطابق افغان وزارت داخلہ کے ترجمان نے بتایاکہ طالبان جنگجوؤں نے مشرقی صوبہ نورستان کے ضلع برگ متل پر شدید جھڑپ کے بعد قبضہ کر لیا ہے۔ ترجمان نے بتایا کہ برگ متل سے طالبان کو بے دخل کرنے کیلئے سیکورٹی فورسز کی تازہ کمک بھیج دی گئی ہے۔ دریں اثناء کابل میں پریس کانفرنس سے خطاب کرتے ہوئے امریکی فوج کے چیئرمین جوائنٹ چیفس آف سٹاف ایڈمرل مائیک مولن نے امریکی فوجیوں کے لاپتہ ہونے کو غیر معمولی صورتحال قرار دیا۔ انہوں نے خبردار کیا کہ مستقبل میں مزید سنگین واقعات رونما ہو سکتے ہیں۔ انہوں نے کہاکہ لاپتہ امریکی فوجیوں کی تلاش کیلئے ہرممکن کوششیں کی جا رہی ہیں۔نیٹو کے ترجمان نے طالبان کی جانب سے دو امریکی فوجیوں کو زندہ پکڑنے کے دعویٰ پر تبصرہ سے گریز کیا۔ ترجمان نے صوبہ ہلمند کے ضلع سنگین میں نیٹو کے حملہ سے عام شہریوں کی ہلاکت کے سوال پر کہا کہ انہیں اس امر کی اطلاع ملی ہے، تصدیق کے بعد ہی ردعمل ظاہر کریں گے۔ سنگین سے ملنے والی اطلاعات کے مطابق نیٹو کے حملہ میں درجنوں عام شہری ہلاک و زخمی ہوئے ہیں۔ مائیک مولن نے مزید کہاکہ افغانستان میں اگلے ماہ انتہائی مشکل ہوں گے، وہ کامیابی کا دعویٰ نہیں کر رہے لیکن اس جانب متواتر پیشرفت جاری ہے۔ انہوں نے کہا کہ اسے یقین ہے کہ منزل اب بھی قابل حصول ہے اور اس کا ثبوت اگلے ماہ کی کارروائیاں ہوں گی کہ ان میں کیا واقعات رونما ہوتے ہیں۔
اس خبر سے ملتی جلتی خبریں دیکھیں
نامہ نگار القمرآن لائن کے تازہ ترین مضامین
- Girl dies - September 6th, 2010
- interesting baby - September 6th, 2010
- Beautifull Purposing Funny Girl - September 6th, 2010
- “LITTLE MONSTER” - September 4th, 2010
- funny new zealand ad - September 4th, 2010
پرنٹ کریں
