01:44 am - Sunday 06 July 2014
Islamabad, PK - 27 °CPartly Cloudy - Humidity: 58%

پشاور،حسینی مدرسےمیں خودکش دھماکا،5افراد شہید،متعددزخمی

By سرفرازاحمد عباسی - Fri Jun 21, 6:30 pm

ویب ڈیسک:
پشاور: صوبائی دارالحکومت پشاور کے علاقے چمکنی میں دھماکے سے پانچ افراد شہید اور متعدد زخمی ہوگئے۔
پولیس ذرائع کے مطابق دھماکا مدرسے کے اندر ہوا۔ جس میں پانچ افراد شہید اور متعدد افراد زخمی ہوئے ہیں۔ پولیس کے مطابق دھماکا خود کش تھا، جب خود کش حملہ آور نے مسجد میں داخل ہونے کی کوشش کی جس پر مسجد کی حفاظت پر مامور گارڈ نے حملہ آور کو روکنے کی کوشش کی جس پر اسلح سے لیس حملہ آور نے فائرنگ کردی اور مسجد میں داخل ہوگیا۔
حملہ آور فائرنگ کے بعد مسجد میں داخل ہوا، جس کا رخ محراب تھی، جہاں خود کش حملہ آور نے عین نمازیوں کے درمیان اپنے آپ کو دھماکے سے اڑا لیا۔ دھماکے سے مدرسے کی عمارت کو شدید نقصان پہنچا اور آس پاس کی عمارتوں اور دکانوں کے بھی شیشے ٹوٹ گئے۔
پولیس کے مطابق ہلاکتوں میں اضافے کا خدشہ ۔ عینی شاہدین کے مطابق دھماکا حسینی مسجد کے قریب ہوا۔ دھماکے کی آواز حاجی کیمپ اور دور دور تک سنی گئی۔ امدادی ٹیمیں جائے وقوعہ پر پہنچ گئی ہیں۔ پولیس اور سیکیورٹی فورسز نے علاقے کو گھیرے میں لے لیا ہے، جب کہ بم ڈسپوزل اسکواڈ کو بھی طلب کرلیا گیا ہے۔

Follow Al Qamar Online Urdu News Network on Twitter, become a fan on Facebook. Stay updated via RSS

Leave a Reply