ترکی میں دولہا دلہن نے انوکھی مثال قائم کردی

انقرہ……ترکی میں دولہا دلہن نے انوکھی مثال قائم کردی، کھاتے پیتے مہمانوں کی تواضع کی بجائے 4 ہزار شامی مہاجرین میں کھانا تقسیم کردیا۔ شادی کا دن ہو اور شاندار قسم کے انتظامات نہ ہوں ، ایسا ہونہیں سکتا ۔ لیکن ترکی میں دولہا دلہن نے تو انوکھی ہی مثال قائم کر دی ۔ مہمانوں کو بلانے کے بجائے ایک نیک کام کردیا۔ شادی کا بگ ڈے ، عام طور پر زندگی میں ایک ہی بار آتا ہے ۔اس دن کو یادگار بنانے کیلئے بڑے جتن کئے جاتے ہیں،اس دن لباس شاندار ، مینیو جاندار اور مہمان لاتعداد ہوتے ہیں۔لیکن ترکی میں ایک جوڑے نے بڑی مثبت مثال قائم کردی، اپنی شادی والے دن 4 ہزار شامی مہاجرین میں کھانا تقسیم کیا ۔ ٹوئٹر پر آئی تصویر نے سوشل میڈیا کی عوام کو جذباتی کردیا۔ ہر ایک نے اس اقدام کا خیرمقدم کیا۔

متعلق یُسری شکیل