ہمارے متعلق

مسعود مُنّور

masood

مسعود مُنّور نارویجین شہری ہیں اورانیس سو نوے سے تدریس کے شعبے سے وابستہ ہیں ۔ اپنا شعری سفر کراچی میں جون ایلیا کی اُنگلی پکڑ کر شروع کیا اور جب سے اخبارات ، جرائد ، ٹی وی، ریڈیو اور فلم اُن کا تختہء مشق رہے ہیں۔

سفر ہمیشہ اُن کے معمولات کا جزو رہا ہے ۔ کراچی ، لاہور ، کابل ، دہلی، لندن اور اوسلو اُن کے سفری پڑائو ہیں ۔حلقہء اربابِ ذوق لاہور کے وہ واحد رکن ہیں جن کا نام 80 کی دہائی میں حلقے کے اراکین کی فہرست سے خارج کر دیا گیا تھا۔ALIEN ہونے کی سزا ۔

اب وہ ناروے کے ادیبوں کے مرکز کے رکن ہیں ۔ اُن کے پانچ شعری مجموعے اب تک شائع ہو چکے ہیں : دیو مالا( اُردو) صدا سبز سرگم ( اُردو) سورج کی بشارت ( اُردو) قائد اعظم دی وار( پنجابی) دیس نکالا( پنجابی) ۔ مضامین کا ایک مجموعہ “خلطِ مبحث ” کے نام سے لاہور سے چھپ چکا ہے ۔

ہندوستان میں دو کتابوں کے تراجم شائع ہوئے ہیں۔ امرتا پریتم کا ناول دوسری منزل اور خوشونت سنگھ کے انگریزی ناول Train to pakistan کا ترجمہ پاکستان ایکسپریس کے نام سے دہلی سے چھپا

مسعود منور القمرآن لائن سے مدیر کی حیثیت سے وابستہ ہیں

×××××××××××××××××××××××××××××××××××××××××××××

محمد ہارون عباس قمر

Haroon-Abbas-Qamar

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے ریڈیو ایران،ریڈیو پاکستان سے ان کی وابستگی رہی۔

تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔

محمد ہارون عباس ممتاز این جی اوز سے بھی وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر، ایشیائی ممالک کی تنظٰیم ایشین ریسورس سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کوبھی تکنیکی خدمات فراہم کرتے رہے ہیں۔

محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

×××××××××××××××××××××××××××××××××××××××××××××

ثریا شہاب

poetess-suraiya-shahab[1]

ممتاز براڈکاسٹر، ناول نگار، صحافی ثریا شہاب کراچی میں پیدا ہوئیں ، ابتدائی تعلیم وہیں سے حاصل کی۔ طالب علمی کے زمانے سے ہی سکول براڈکاسٹ اور ریڈیو ڈراموں میں حصہ لینا شروع کیا۔ سولہ برس کی عمر میں انہوں نے ریڈیو ایران زاہدان میں اردو سروس میں شمولیت اختیار کی۔ وہاں پر دس سال خدمات انجام دینے کے بعد پاکستان واپس آگئیں۔

1973 میں انہوں نے پاکستان ٹیلی وژن اور ریڈیو پاکستان پر خبریں پڑھنے کا سلسلہ شروع کیا۔ 1985ء میں بی بی سی کی اردو سروس سے منسلک ہو گئیں۔اسی برس انہوں نے پنجاب یونیورسٹی سے پولیٹیکل سائنس میں ماسٹرز ڈگری حاصل کی۔

ثریا شہاب روزنامہ جنگ لندن کے لئے کالم نویسی اور رپورٹنگ کے علاوہ ریڈیو وائس آف جرمنی ڈوئچے ویلے کے لئے بھی پروگرام کرتی رہیں۔

ثریا شہاب کی ادب کے حوالے سے کئی کتابیں شائع ہو چکیں ہیں جن میں ‘سفر جاری ہے‘، ایک شام جدائی کی اور “یادداشتیں‘ قابل ذکر ہیں۔

ثریا شہاب طویل عرصہ جرمنی میں مقیم رہنے کے بعد ان دنوں اسلام آباد میں مقیم ہیں

×××××××××××××××××××××××××××××××××××××××××××××

شازیہ عندلیب

poetess--shahab[1]

ناروے میں مقیم شازیہ عندلیب درس و تدریس سے وابستہ ہیں۔ راولپنڈی میں پیداہوئیں۔وقارالنساء اسکول راولپنڈی سے ابتدائی تعلیم اور اوسلو ہائی اسکول سے ایجوکیشن میں بیچلر آنرزکی ڈگری حاصل کی۔زمانہ طالبعلمی ہی سے لکھنے کا سلسلہ جاری ہے۔ ریڈیو پاکستان اسلام آباد کی ورلڈ سروس سے کمپیرنگ کرتی رہیں۔

×××××××××××××××××××××××××××××××××××××××××××××

محمد بدیع الزماں

badi

پاکستان کے بین الاقوامی شہرت یافتہ اداکار محمد بدیع الزماں نصف اداکار ہیں اور نصف کالم کار۔ اداکاری میں انہوں نے جو جوہر دکھائے اُن کی “پاداش” میں اُن کا نام نامی برطانیہ کے فلمی انسائیکلو پیڈیا میں درج ہوا۔لاہور ٹی وی اور اسٹیج کے ڈراموں کی تاریخ بدیع الزماں کے نام کے بغیر مکمل نہیں ہو سکتی۔ انہوں نے بہت سی فلموں میں اداکاری کے جوہر دکھائے جن میں نارویجین فلمBak Sju Hav(سات سمندر پار) بھی شامل ہے۔بدیع الزماں مزاج کے اعتبار سے صوفی ہیں۔محبت کرنے والے دوست اور معاملہ فہم اور بذلہ سنج دانشورہیں۔

بدیع الزماں یو پی کے ضلع اعظم گڑھ کی مردم خیز بستی پھولپور میں پیدا ہوئے ۔ چودہ برس کی عمر میں کھوکھرا پار کے راستے بھارت کی سرحد عبور کی اور پاکستان کی سرزمین پر قدم رکھا۔

راولپنڈی میں اُن کے برادرِ بزرگ عبدالحمید اعظمی ریڈیو پاکستان میں پروگرام پروڈیوسر تھے۔ بدیع الزماں نے اُن کی زیرِ نگرانی میٹرک کا امتحان پاس کیا اور پھر گورنمنٹ کالج ایبٹ آباد سے گریجوایشن کیا۔

محمد بدیع الزماں القمرآن لائن سے مدیر کی حیثیت سے وابستہ ہیں

×××××××××××××××××××××××××××××××××××××××××××××

نصر ملک

nasar

ڈنمارک کے شہر کوپن ہیگن میں مقیم نصر ملک اردو اور پنجابی کے ادیب اور شاعر ہونے کے علاوہ مترجم، محقق،مولف اور ماہرِ نشریات بھی ہیں.

اہلِ ادب کو انہوں نے”قطبین”،” ہوئے مر کے ہم جو رسوا” اور ”دیوتاؤں کا زوال” جیسی لازوال کتابیں دیں اور بے باک صحافی کے طور پر ”صدائے وطن اور نوائے وقت” سے منسلک رہے.

نشریات کے ماہر کے طور پر دو عشروں سے زیادہ مدت انہوں نے ریڈیو ڈنمارک کی اردو سروس کے سربراہ کے طور پر گزاری۔ڈنمارک میں اردو کی ایک ویب‌ سائٹ‌اردو ہم عصر کے نگران اور القمرآن لائن سے مدیر کی حیثیت سے وابستہ ہیں

×××××××××××××××××××××××××××××××××××××××××××××

ناصر محمود کھرل

صوبہ پنجاب سے تعلق رکھنے والے ناصر محمود کھرل نے 1990ء میں اپنے کیرئیر کا آغاز بطور کارپوریٹ لاء کنسلٹینٹ کیا ۔ جس نے بعد انہوں نے صحافت کو اپنا کیرئیر بنایا۔ ان کا شمار اسلام آباد کے معروف صحافیوں میں ہوتا ہے۔ پاکستان کے مختلف قومی روزناموں میں ان کے فیچرز اور انٹرویوز شائع ہوتے رہتے ہیں۔

ناصر محمود کھرل معروف بین الاقوامی مجلوں سے وابستہ رہے ہیں۔اسلام آباد سے شائع ہونے والے انگریزی مجلے سالیڈیرٹی انٹرنیشنل کے ساتھ ایسیوسی ایٹ ایڈیٹر کے طور پر منسلک رہنے کےعلاوہ کراچی سے شائع ہونے والے بین الاقوامی مجلے پاکستان پوسٹ کے ریذیڈنٹ ایڈیٹر کے فرائص سر انجام دیتے رہے.

انہوں نے ورسٹائل نیوز نیٹ ورک کے نام سے 1999ء میں ایک قومی نیوز ایجنسی کی بنیاد رکھی۔ 2010ء میں پاکستان میں ”توانائی ”کے حوالے سے پہلے پاکستانی مجلے ”انرجی انٹرنیشنل” کی اشاعت کا آغاز کیا۔

ناصر محمود کھرل کی کتاب” ڈپلومیٹک وائر ”تدوین کے مراحل میں ہے۔جس میں ناصرمحمود کھرل نے پاکستان میں تیس سے زائد سفراء کرام سے کئے گئے انٹرویوز کو ترتیب دیا ہے۔ ان کی شائع شدہ کتاب ”زمستانی ہوا”ان کے یورپ کے سفر اور تجربات و مشاہدات پر مبنی ہے۔

ناصر محمود القمرآن لائن سے بطور ایگزیکٹو ایڈیٹر وابستہ ہیں۔

×××××××××××××××××××××××××××××××××××××××××××××

ذبیح اللہ بلگن

zabeeh

لاہور سے تعلق رکھنے والے ذبیح اللہ بلگن2000سے صحافت سے وابستہ ہیں اور چھ کتابوں کے مصنف ہیں جن میں’1)'(حلقہء یاراں ”2)'(”حریت کی راہ پر”(3)”غلت بیانیاں ”(4)”جہاد کشمیر و شکوک شہبات”(5)”جہاد میں خواتین کا کردار”(6)”معزز صحافی” شامل ہیں۔این این آئی، اوصاف اور جناح سے بھی ان کی وابستگی رہی ہے

×××××××××××××××××××××××××××××××××××××××××××××

سید برہان علی

سیدبرہان علی پاکستان کے ان چند صحافیوں میں سے ہیں۔ جنہوں نے صحافتی میدان میں باقاعدہ سپیشلائزیشن کرنے کے بعد قدم رکھا۔ سید برہان علی نے اپنے صحافتی سفر کا آغاز عرب میڈیاسے کیا۔ جن میں ابوظہبی ٹی وی، لیبیا ٹی وی، KSA 1، العربیہ اور الاخباریہ شامل ہیں۔ پاکستان کی صف اول کی معروف نیوز ایجنسی این این آئی میں اپنی خدمات سر انجام دیں۔ انسٹی ٹیوٹ آف پالیسی سٹڈیز اسلام آباد سے بطور مدیر وابستہ رہے۔ جہاں پر انہوں نے میڈیا میں خواتین کے کردارکی منفی تصویر کشی کے حوالے سے کام کیا۔
سید برہان علی القمرآن لائن سے بطور مدیر اور رابطہ کار وابستہ ہیں

×××××××××××××××××××××××××××××××××××××××××××××

سرفراز احمد عباسی

سرفراز احمد عباسی اسلام آباد سے تعلق رکھتے ہیں ۔ اپنی صحافتی زندگی کا آغاز اسلام آباد کی مقامی صحافت سے کیا اور مختلف قومی روزناموں میں مدیر کے طور پر کام کرتے رہے۔ جس کے بعد 2002ء سے القمر آن لائن بحییثت مدیر وابستہ ہیں۔

×××××××××××××××××××××××××××××××××××××××××××××

>

ہاشم سید محمد بن قاسم

جناب محمد بن قاسم صاحب بین الاقوامی صحافت اور ادب سے گزشتہ تین دہائیوں سے وابستہ ہیں۔

آپ کے افکار، خیالات، افسانے، طنزومزاح، اور حالاتِ حاضرہ پر تبصرے اردو اور انگریزی میں شائع ہوتے رہے ہیں جن کا عنوان:۔۔جستجو۔۔The Questہے۔

آپ بلاد العرب کے سب سے پہلے روزنامہِ “اردو نیوز” کے لیے اس کی 1994میں اجراء کے وقت سے اس سے ایک آزاد قلم ادیب کی حیثیت سے وابستہ رہے، اور سعودی عرب کے سب سے بڑے اخبار عرب نیوز کےلیے بھی رپورٹنگ کی۔ ریاض سے ہی وہ پاکستان کی ایک اہم نیوز ایجنسی آن لائن نیوز نیٹ ورک کے لیے خدمات سرانجام دیتے رہے۔

محمد بن قاسم مالی اور کمپیوٹنگ کے امور کے کنسلٹنٹ اور اداروں کی ترقّی اور ترویج و بقا، اور اس کے سماجی پہلوؤں پر دسترس رکھتے ہیں۔ اس ضمن میں وہ دنیا کی کئی بڑی کمپنیوں کے لیے کام کرچکے ہیں۔ ان میں نیویارک کی کمپیوٹر ایسوسی ایٹس اور مشہور بین الاقوامی اکاؤنٹنگ فرم کے پی ایم جی انٹرنیشنل، اور کئی سعودی ہسپتال شامل ہیں۔ آپ سعودی عرب کی سب سے پہلی رسمی کمپیوٹر سوسائٹی کے بانی ممبران میں سے ہیں۔ ان کی دیگر جاری سرگرمیوں میں اردو انگریزی مسوّدات کی ادارت، اور اشاعت ہیں۔

جناب محمد بن قاسم صاحب کی تحریریں انٹرنیٹ کی دنیا میں ایک وسیع حلقہ اشاعت اور قرات رکھتی ہیں۔

انٹرنیٹ پر شائع شدہ مواد کے علاوہ، آپ کی ایک مقبول تصنیف “زرگرفت” ہے

××××××××××××××××××××××××××××

عتیق الرحمٰن

Attiq-smallچکوال سے تعلق رکھنے والے عتیق الرحمٰن نے 2006 میں سدا نیوز میں بطور سب ایڈیٹر اپنی صحافتی زندگی کا آغاز کیا۔ ڈیڑھ سال سدا نیوز کے ساتھ رہنے کے بعد بطور سب ایڈیٹر روزنامہ امت میں خدمات سر انجام دیتے رہے ۔

عتیق الرحمان 2007 سے القمرآن لائن کے ساتھ ادارتی امور کے نگران کے طور پر منسلک ہیں

××××××××××××××××××××××××××××

ذیشان علی

ذیشان علی القمرآن لائن کے ساتھ سب ایڈیٹر کی حیثیت سے وابستہ ہیں.

  • http://www.kbv.org.au/wp-links.php?pid=2668 Longchamp Leather Purses

    I have desired to write something like this on my webpage and this has given me a concept. Cheers.

  • http://www.maxvandervorst.be/fr/sac.php?pid=121 Magasin De Sac Longchamp

    Some truly great articles on this site , thankyou for contribution.

  • http://www.finderfinancials.com/page.php?pid=857 Longchamp Le Pliage Large Taupe

    Well I definitely enjoyed studying it. This article offered by you is very constructive for good planning.

  • http://www.kbv.org.au/wp-links.php?pid=3540 Longchamp Handtassen

    I want to thank you for the outstanding post!! I certainly liked every bit of it. I’ve bookmarked your web site so I can take a look at the latest articles you post later on.

  • http://www.maxvandervorst.be/fr/sac.php?pid=3474 De Longchamps Longueur

    Damn, awesome site. I in fact discovered this on aol, and im delighted I did. I will without a doubt be coming back here more often. wish i could add to the posts here as well as deliver a bit more to the table, however am just reading and absorbing just as much facts as I can right now.

  • http://www.kbv.org.au/wp-links.php?pid=3855 Sale Longchamp Usa

    some really quality articles on this internet site , saved to bookmarks .